مرحبا، لمحبي الاندومي والرامن الياباني او الراميون الكوري الحلال بجميع نكهاته، بعطيكم اليوم فكرة عن بدائل صحية أكثر للاندومي وقليلة السعرات والصوديوم والدهن، وغير مقلية مسبقاً من مغلفات الرامن الى اكواب النودلز سريعة التحضير، وبعضها عضوية مصنوعة من دقيق عضوي، راح اتكلم عن مميزات كل منتج لحاله، وكل منتجات النودلز هذي تلقونها في موقع اي هيرب اللي يشحن دايركت لأي مكان في العالم.
لماذا نفكر بالبحث عن بديل؟
الاندومي عالي جدا بالصوديوم ويحتوي من 1000 ملغ الى 1700 ملغ منه، بينما البدائل اللي معي اليوم تعطي نص الكمية وأقل بكثير في بعض الانواع وسعراتها اقل من الاندومي ودهونها ايضا اقل.
بدائل الاندومي والنودلز السريعة التحضير بصفحتي هنا كلها نباتي وفيقان ماعادا نوعين لإحتوائهم على بودرة السمك او الربيان فقط، يعني حلال الحمدلله حسب اطلاعي على مكوناتها، في انواع ثانية في اي هيرب تحتوي كحول او ساكي ياباني طبعاً ما اضفتها في صفحتي بس بأحذرك منها وصفحتي هذي تقتصر على المنتجات الحلال
