تجربتي من اي هيرب مكياج ايلف باسيفيكا برونزر وكريمات ومرطب للشعر الكيرلي


تجربة اي هيرب مكياج

صباح \ مساء التألق ,، 🌺
حابة اشارككم اليوم مشترياتي من موقع اي هيرب اللي احبه واشتري منه بشكل شهري، وهالمرة الطلبية كبيرة وكلها مكياج وكريمات للبشرة، الموضوع هذا من فترة أحاول اجهزه وكنت متحمسة اني ارفعه للمدونة وكل مرة يجيني ظرف يمنعني أكمله، فماتتصورون مدى سعادتي اني اخيراً قدرت أنزله في المدونة!
يالله ماطول عليكم، المكياج اللي اشتريته متوفر بموقع اي هيرب الامريكي وهو من ماركة ايلف وفيزيشين فورميولا ومن باسيفيكا بيوتي! راح اتكلم عنهم وتجربتي ورأيي فيهم بالتفصيل في الموضوع اللي اتمنى انه يعجبكم ويفيدكم.
ادخلي هذي الصفحة تجربة مكياج ايلف لتجربتي لمكياج ماركة  e.l.f :)


تجربة شراء مكياج ومنتجات عناية وترطيب والصابونة الأفريقية من اي هيرب

مشترياتي مكياج وكريمات شراريب ترطيب ومقشر للوجه

صورة المكياج 💗

مكياج ايلف وفيزيشن فيزيكان وباسيفيكا

تجربة مكياج باسيفيكا

قلم كحل بيج لحمي للعين باسيفيكا
Pacifica, Natural Eye Pencil, Bare
قلم كحل بلون بيج فاتح من باسيفيكا بيوتي، مكتوب عليه انه مكياج طبيعي ونباتي 100% ولاأنسى أذكر لكم انه خالي من بودرة التلك والمواد البترولية والألوان الصناعية والبارابين.
انطباعي و رأيي 
اكيد لايخفى عليكم ان الكحل هذا يستخدم لتكبير العين.
انا عيوني كبيرة والقلم الأبيض يكبرها بشكل مو طبيعي وأوفر مره،  فما أحب منظره وكنت من فترة ابحث عن درجة بنفس اللون هذا لأن احسه يعطي تكبير للعين وبنفس الوقت منظره طبيعي وانعم بكثير من لون الكحل الأبيض الحاد، وفرحت مره لمن حصلته!
هالقلم ناعم وكريمي  ويرسم بشكل انسيابي ويعطي لون غني وعميق، بعكس بعض الانواع ترسم بشكل باهت داخل العين، شوفي أول صورة بداخلها على اليمين حاطة صورته على بشرتي عشان يبان عمق اللون ودرجته.

تقريباً شكله كذا على العين :
شكل الكحل البيج اللحمي

اعجبني لأنه لونه ناعم وهادي ويعطي تكبير للعين بشكل ناعم، مايسيح خارج العين ولايدبق، جربت استخدمه تحت الحاجب وكانت نتجيته حلوه لاعطاء هايلايت على عظمة الحاجب وعلى الشفايف. ومايسبب اي احساس ثقيل او مزعج داخل العين بالعكس جداً مريح، والجودة عاليه جداً عجبني وانصحكم فيه.
السلبيات
الشيء الوحيد اللي انتقده فيه هو انه لونه مايدوم ساعات، تقريبا ساعتين واختفي بنسبة 90%، لكن ماساح برا العين أو دبق، هالشيء مافاجأني لأني انا من النوع اللي الكحل مايثبت داخل عيني لوقت طويل وجربت ماركات كثيرة نفس النتيجه، فهالشي ممكن انتي ماتلاحظينه أو مايحصل معك على حسب طبيعة جسمك حبيت أذكر هالشي للأمانة.

تقييمي للمنتج : 10\10 ورجعت اشتريت طلبية ثانية من باسيفيكا منها مكياج وآي شادو وعطورات لأنه عجبتني كثير هالماركة 💗 وراح أنزل المشتريات وريفيو عنها قريبا في المدونه ان شاء الله .
السعر:  42 ريال سعودي

 ،’ 

تجربة مكياج فيزيكان

قلم كحل بني فيزيكان
Physician's Formula, Inc., Eye Definer, Automatic Eye Pencil
قلم كحل للعين بلون بني غامق، مكتوب عليه انه خالي من العطور ولايسبب حساسية لأن تركيبة لطيفة وآمنه جداً حتى مع العدسات، ويوصي به اطباء الجلدية.
بالمناسبة الماركة مو أسمها فيزيكان بس استخدمت الكلمة هذي عشان منشهر بهالأسم بين البنات في الإنستقرام 😊، الكلمة تنطق فيزيشن 🌹
انطباعي و رأيي 
روعه مره قلم الكحل هذا لأنه يتمرر على الجلد بكل نعومة وانسيابية، بتلاحظين انه لمن ترسمين به على جفنك مايشد أو يسحب الجلد معه وهالشي يعطيك رسمه مرتبه ومايسب ترهلات بالجفن في المستقبل، ومريح جدا في الإحساس 💗! 

هالكحل حلو للوك السموكي لأنه يندمج بسهولة مره تقدرين تخلينه متدرج وتدمجينه مع الاي شادو بسهولة. أنا أخترت اللون البني لأن عندي أكحال واي لاينر بلون أسود، وحبيت أجرب اللون البني لأنه يعطي تحديد انعم للوك كيوت ونعومي.

بنهاية القلم توجد براية طريقة استخدامها بسحب نهاية القلم وراح تطلع معاك تستخدمينها بوضع الطرف على رأس الكحل وتدويرها مثل البراية العادية وبتلاحظين القشور تطلع من طرفها و نهاية الكحل صارت رفيعه وكأنه جديدة،، صورتها لكم هنا 😊
براية قلم الكحل
مدى الثبات
 بدون برايمر: رسمت عيني بالكامل به ، والنتيجة بعد 3 ساعات الرسمة على خط الرموش العلوي كانت ثابتة ومالطخ اللون، اما الرسمة على خط الرموش السفلية ساحت شوية، هالشي يصير لي مع كل اقلام الكحل الكريمية بآمانة، يعني طبيعة عيوني كذا، لكن كان التعديل سهل وماتعبني مسحت اللي ساح ورجع شكله مرتب، لكن اللون بدأ يتلاشى خصوصا من تحت بعد 3 ساعات.

مع البرايمر: جلس ثابت  لمدة 5 ساعات ولا صار اي تلطيخ أو حتى ماحسيته تحرك من مكانه حتى رسمة العين من تحت ماتلاشت أو ساحت.
السلبيات
مثل باقي محددات العين اللي على شكل كحل طبعاً ثباته مو مثل الايلاينر السائل أو الجل، لكن بإستخدامه مع البرايمر يعطي ثبات أكثر.

تقييمي للمنتج : 8\10 أكثر شي عجبني فيه أنه مريح مره يعني احطه وما أحس ان في شي على عيني أو اي احساس غير مريح، خصوصاً مع العدسات .
السعر:  22 ريال سعودي


مجموعة اكحال مكياج العين طبيعية من فيزيكان
Physician's Formula, Inc., Shimmer Strips, Custom Eye Enhancing Kohl Kajal Eyeliner Trio
مجموعة كحل ومكياج للعين من فيزيشن فورميولا، بثلاث ألوان هي النحاسي والبرونزي وأسود. آمن ولايحتوي عطور أو مواد كيميائية ولايسبب تحسس في العين وبتوصية من أطباء الجلد.

انطباعي و رأيي 
زي كل اقلام محددات واكحال العين الكريمية ماراح يدوم طول اليوم لكن ابداً مايسيح ولايلطخ بالعكس لونه يخف بشكل جميل ويختفي بشكل متدرج، والالوان جميلة جدا، اتوقعت يكون تحديد العين صعب بالقلم هذا لكن كان مرة سهل و انسيابي و الالوان تندمج وتنمد بشكل جميل و سلس وحتى مع الاي شادو للوك الدخاني أو السموكي، فحسيت أنه متعدد الإستخدامات وممكن استخدامه ككحل داخل العين وكـ آي لاينر وممكن استخدامه مع اي شادو للعين او دمجه مع الظل.
كمحدد للعين
حلو خصوصا لعمل رسمة الـ Cat Eye لأنه انسيابي وبعكس الآيلاينر السائل مايحتاج دقة كبيرة في الرسم و لو صار خطاء في الرسمة سهل تعديله.

كظل أو آي شادو
يعطي لون غني ناعم وانسيابي وسهل المد والدمج وفيه Shimmer أو لمعة لؤلؤية ناعمه، نتيجته جميله ، حطيت اللون البرونزي على الجفن وحددت ثنية الجفن باللون البني ودمجتهم بفرشاة الاي شادو وطلع شكله جميل وناعم، وممكن تستخدمينه تحت الاي شادو البودرة لتثبيت وتغميق اللون خصوصا في المكياج السموكي يطلع حلو.

الثبات
مع البرايمر ثبت لمدة 5 ساعات حتى غسلته، اللون خف شوية مع الوقت، ماساح و لادبق بالعكس اللون يتلاشى بشكل مرتب ومايلطخ .

السلبيات
مامعاه براية لكن انا حسيت اني اقدر اتعامل معاه بدون ما أحتاجها بسبب تصميمه وشكله ، مثلا اغير الجهة اللي احدد بها عشان تفضل نوعاً ما رفيعه، وماواجهتني مشكلة في دقة التحديد.
لكن في شيء سلبي في تصميمه وهو انه المنتج متركز في طرف القلم ومومتوزع بداخله و لو مانتبهني وثقلتي أو ضغطي عليه راح ينكسر ويطيح، كنت اتمنى انه كان قلم عادي والكحل بداخله!

تقييمي للمنتج
 8\10 بسبب التصميم لكن المنتج بشكل عام عجبني وفي منه مجموعتين بألوان ثانية من فترة وهي بقائمة رغباتي بموقع اي هيرب ومتحمسه اجربها 💗
السعر
43 ريال سعودي للمجموعة لو حسبناها يطلع الآيلاينر الواحد بـ 14.3

سبراي برونزر ولمعة وإضاءة للجسم فزيكان
Physician's Formula, Inc., Bronze Booster
 سبراي معزز البرونز من فيزيشن، يعطيك لون برونزي وتوهج وأضإة لؤلؤية جميله، للجسم والوجه والشعر، لايسبب الحساسية وخالي من الكيماويات الضارة.
انطباعي و رأيي 
بصراحه حسيته هايلايت للجسم أكثر من أنه برونزر، يعطي إضاءة ولمعة جميلة وجداً ناعمة للجسم تبرز جمال الخدود والكتوف والذراعين وعظام الرقبه وتفاصيل الجسم بشكل عام ويخلي البشرة مشرقة ومتوهجة، وحتى الشعر يجمله ويعطيه لمعه.
انا نفسي اصير سمراء ودايما اجرب منتجات التان وكذا واخذت هالمنتج لأنه سبراي للجسم كله، عملي وسهل الإستخدام،،  بصراحة حبيت المنتج!
البرونزر هذا بودرة ويعطي لمعة لؤلؤية مع لون برونزي خفيف غير دائم ويزول بمجرد ازالة المنتج وريحته استوائيه جميله، صورت لكم المنتج على بشرتي عشان تاخذون فكرة عنه.
تقييمي للمنتج : 10\10 حبيته وأنصح فيه 💗
السعر:  54.3 ريال سعودي


بلشر وردي مكياج فيزيكان فيزيشن للبشرة الحساسة
Physician's Formula, Inc., Happy Booster, Glow & Mood Boosting Blush
بلشرطبيعي من فيزيشين  بلون وردي جميل مع لمعة خفيفة، يعطي اشراقة ولون جميل يحتوي خصائص مستمدة من الخلاصات نباتية  تساعد على حماية البشرة من الإجهاد البيئي، وهو برائحة البنفسج الجميلة، وماأنسى اقول لكم انه لايحتوي على كيماويات ولايسبب الحساسية وانسدام المسامات وينصح فيه اطباء الجلد،
بلاشر وردي بألوان متعددة فيزيكان
انطباعي و رأيي 
لونه وردي جميل وفيه لمعة لؤلؤية، روعه ويعطي لون واضح وطبيعي وهو سهل المد وناعم جدا، البلش على شكل بودرة مضغوطة فيها عدة ألوان وردية بتدرجات مقسمه على شكل قلوب، ولو ابغى لون أغمق أو افتح أخذ من جهة محددة، لكن اغلب الأوقات امرر الفرشاة على كل الألوان ويعطيني لون وردي متوهج جميل زي اللي في الصوره فوق . العلبة كيوت مره وفيها مراية ومعاها فرشاة.
السلبيات
الفرشاة اللي بالعلبه معاه ماعجبتني لأنها ماتمد اللون بشكل حلو وسيئة في الدمج والتوزيع، مديت اللون بفرشة البلشر من ريل تكنيك وكانت النتيجة روعه ولاتقارن بالفرشة اللي بالعلبه.
تقييمي للمنتج : 10\10 ورجعت اشتريت منه لبنت خالتي وعجبها مره حبته، وناسبها لأن بشرتها حساسة.
السعر:  43.4 ريال سعودي

  ،’

تجربة مكياج ELF

ليب غلوس ملعمات شفايف امريكية من ايلف
E.L.F. Cosmetics, Sugarkiss, Super Glossy Lip Shine Set
مجموعة ليب غلوس شوقركيس من ايلف - ELF
يحتوي على اربعة ألوان من غلوسات ايلف هي : انجل، بينك بوب، فرنش كيس، وسموكين هوت.
انطباعي و رأيي 
 الصورة فوق توضح لكم اللون و عمقة ، انا بشرتي فاتحه مثل ماتشوفون في الصورة وناسبتني الالوان وأحس  انها تناسب كل البشرات لأنها من درجات الوردي الطبيعية مرة، لحالها تعطي توريد جميل وتلميع للشفايف وطبعا اللمعة تعطي مظهر أو ايحاء بأن الشفايف مكتنزة وتخفي الخطوط، استخدمتها لحالها أو مع الروج أو الليب ستيك وكانت النتيجة حلوه مر.
احساسها خفيف ومريح وماتدبق او تعطي احساس ثقيل، ريحتها وطعمها مره حلوة ومنعشة زي التوت، وماتسيح لخارج حدود الشفايف، انصح فيها.

تقييمي للمنتج : 10\10 حبيتها ورجعت اشتريت الوان ثانية من غلوسات ايلف راح انزلها بالمدونة بإذن الله 💗
السعر:  18 ريال سعودي


روج وردي فوشي من ايلف
E.L.F. Cosmetics, Lipstick, Posh
روج من ايلف - Elf ،، بتغطية ناعمه وتدوم لوقت طويل.

انطباعي و رأيي 
عجبني اللون، الروج هذا احساسه مريح على الشفايف ومايسبب جفاف بس حسيته فيه  شيء من الصلابة أو كأنه داخل في تركيبته شمع، يثبت لوقت طويل ولايسيح أو يطلع برا حدود الشفايف، بس بعد 3 ساعات يبدأ اللون يخف زي أي روج.

تقييمي للمنتج : 7\10
السعر:  11.3 ريال سعودي
لشراء المنتج إضغطي هنا


روج وردي محمر من ايلف
E.L.F. Cosmetics, Mineral Lipstick, Cheerful Cherry
مكياج شفايف ايلف معدني طبيعي لايحتوي على البارابين أو المواد الكيميائية ، مع مرطبات طبيعية مثل زبدة الشيا.
انطباعي و رأيي 
حبيت هذا الروج أكثر من اللي قبله، لمن شفت الصور في موقع اي هيرب حسيت ان الوانهم مختلفة لكن لمن وصلتني وجربتها لونها تقريبا نفس الشي مع اختلاف بسيط، لكن تركيبة الروج هذا عجبتني أكثر حسيته أكثر نعومة وغني باللون ويعطي لمعة أجمل وانسيابي أكثر مقارنة باللي قبله،  لو سألتيني أختارلك نوع منهم بأنصحك بهذا.
الثبات:
ثباته حلو ويدوم لوقت طويل خلال اليوم، مع الأكل والشرب وكذا بتلاحظين ان اللون خف وصار وردي ، بس مايطلع برا الشفايف أو يسيح، جداً رائع مقارنة بالسعر.

تقييمي للمنتج : 10\10
السعر:  15  ريال سعودي


مقارنة الأرواج

الصورة هذي عشان أوضح لكم الفرق في اللونين في الموقع حسيت أنه واحد فيهم وردي غامق والثاني حسيته أحمر لكن على الطبيعة مافي فرق كبير بينهم في اللون ، تقريبا نفس الدرجة ، الأول وردي فوشي غامق والثاني وردي غامق مايل للأحمر.


قلم اي لاينر للعين
 E.L.F. Cosmetics, Waterproof Eyeliner Pen, Black
قلم آيلاينر سائل للعين من Elf طويل الثبات ومضاد للماء، مضاد للتطلخ والتلاشي ويدوم لساعات.
انطباعي و رأيي 
اعتقد انه افضل اي لاينر او محدد للعين من آي هيرب ،انا أخذته لأن دايما اشوف البنات يمدحونه ، عجبني مره ❤️
فرشة القلم رفيعة ودقيقة جدا في الرسم، من أسهل انواع الآيلاينر اللي جربتها مايحتاج تتعبين عشان تطلع الرسمه مرتبة ومضبوطة بسب الفرشة اللي معاه ودقتها اللي تسهل الرسم، لونه أسود داكن رائع، ماعندي اي انتقاد عليه غير أنه الكمية اللي فيه قليلة يادوب كفاني شهر.
الثبات:
مكتوب انه مضاد للماء لكنه في الحقيقة لا، بس يتحمل ولايلطخ أو يتلاشى ولايتقشر ويجلس طول اليوم.

تقييمي للمنتج : 10\10 راح أشتريه دايماً بإذن الله.
السعر:  11.3 ريال سعودي


اي لاينر سائل ايلف
E.L.F. Cosmetics, Liquid Eyeliner, Black
آي لاينر سائل من ايلف بلون اسود مع فرشاة رفيعه .
انطباعي و رأيي
مايسيح عبر تجاعيد الجفن، لونه غامق وعميق جداً ومايطلخ لكن له سلبيات راح أذكرها بعد شوية، انا شخصياً ماأنصح فيه الا اذا كنتي بتستخدمينه عشان تتعلمين وتتدربين على رسمات العين، أو للبيت أو اذا بتتصورين  وكذا، اما اذا عندك طلعة أومناسبة لاتعتمدين عليه لأنه مايثبت.
الثبات:
 صحيح انه مايلطخ أو يسيح، لكن بعد 2-3 ساعات يبدأ يتقشر ويطيح، حتى مع البرايمر يتقشر ويتلاشى بشكل سيء.
السلبيات
النقطة الأولى انه يتقشر ويتلاشى بشكل سيء ويصير منظره مو حلو،  النقطة الثانية يمكن مني بس حسيت انه يحتاج اتقان عالي مرة عشان تطلع الرسمة مرتبة وبتضطرين تضيعين وقت بس عشان تضبطين رسمة الايلاينر، مره مو حلو لو كنتي مستعجله، هالشي ممكن يكون مني أو من الفرشاة + كون تركيبته سائلة جداً.

تقييمي للمنتج : 3\10  وماراح ارجع اشتريه.
السعر:  8 ريال سعودي



برايمر العين من ايلف
E.L.F. Cosmetics, Eyelid Primer, Sheer
اي شادو برايمر من ايلف يثبت الآي شادو ويخليه يدوم لوقت أطول يومنعه من التكتل في خطوط الجفن وثنياته.
انطباعي و رأيي 
لونه بيج فاتح ينمد ويندمج بسرعه وبسهولة ، يثبت الآي شادو والاي لاينر ويخلي لونهم يثبت لوقت طويل ويمنع التلطيخ أو ان اللون يسيح ويمنع تكتل وتجمع الاي شادو في ثنيات الجفن، ثبت لي الظل لـ 5 ساعات حتى اضطريت اني اشيل المكياج، انا ماأطول مرة بالمكياج حدي 5 ساعات، اذا جربت البرايمر لوقت اطول راح اكتب عن النتيجة هنا ان شاء الله .

تقييمي للمنتج : 10\10 جميل جداً راح ارجع اشتريه.
السعر:  7.5 ريال سعودي



محدد شفايف كرزي من ايلف
E.L.F. Cosmetics, Long-Wear Lipliner Pencil
محدد شفايف لون وردي غامق من ايلف، تركيبتة لطيفة وآمنة ويحتوي على فيتامينات، يعطي لون غني وتحديد يدوم لوقت طويل.

انطباعي و رأيي 
 درجة اللون نفس الصورة على الطبيعة ومناسبة للأرواج اللي اخذتها، فايدته رسم الشفايف بدقة ويساعد الروج على الثبات ومايخليه يسيح برا التحديد :)

تقييمي للمنتج : 10\10
السعر:  7.5 ريال سعودي



ماسكارا الحواجب المغذيه من ايلف
E.L.F. Cosmetics, Studio Eyebrow Treat & Tame, Clear/Deep
مغذي مع ماسكارا للحواجب من ايلف، يرتب الحواجب ويحددها ويغمق لونها ويملأ الفراغات فيها، الجهة الثانية تحتوي على جل مغذي بفيتامينات تنبت الشعر وتقويه.

انطباعي و رأيي 
 له استخدامين الجهة الاولى جل يغذي و يحمي الحواجب والجهة الثانية ماسكارا للحواجب ترتبها، روعه مره حتى بدون مكياج يطلع حلو! يعطي مظهر كثيف ومرتب بشكل طبيعي، ويثبت بدون تلطيخ ولايسيح من مكانه، ممتاز للحواجب الخفيفه لأان الماسكارا فيها فيبر يعبي الفراغات بشكل طبيعي، عملي وسهل الإستخدام .
لونه بني غامق مره، صورته لكم فوق، كنت خايفه يخلي حواجبي بنية ويطلع مو حلو لأن شعري أسود، بس حسيته ناسبني واعطاني لون طبيعي واغمق من لون حواجبي الطبيعية، لاحظت ان حواجبي تحسنوا وصاروا أكثر كثافة بعد فترة واكتشفت أنه المغذي فيه زيت الخروع المعروف بتكثيف وتطويل الشعر.
انصحك تستخدمينه مع قلم تحديد اذا تبغين حواجب محددة ومرسومة، لأني حسيته يعطي تغميق و ترتيب وتكثيف لكن ماأقدرأرسم شكل حواجبي فيه مثل القلم.
الثبات:
يدوم لساعات بدون تلطيخ، ممتاز مره.

تقييمي للمنتج : 10\10 احس اني ماأقدر استغني عنه من كثر ماحبيته.
السعر:  11.3 ريال سعودي


كريم أساس لون بورسلين من ايلف
E.L.F. Cosmetics, Flawless Finish Foundation, SPF 15, Oil Free
كريم اساس مع واقي شمس SPF 15 من ايلف بلون فاتح بورسلين ، خالي من الزيوت.

انطباعي و رأيي 
الحمدلله ناسبني جدا، كنت خايفة درجة اللون ماتناسبني بس طلعت قريبة من بشرتي، الاساس قوامه متوسط بين الكريمي والسائل، حسيت تغطيته متوسطة وممكن أحط طبقتين بدون مايتكتل أو يصير منظره غريب، وحسيته مريح وان بشرتي قادرة تتنفس وانا حاطته.
سهل المد ويندمج بسهولة ولايتكتل على البشرة، يخفي المسامات ويعطي تغطية طبيعية وشبه مطفية، منظره ناعم وجداً جميل وطبيعي على البشرة، وبعد ساعة بتحسين مظهره صار ندي شوي وناعم، شخصياً حسيته يصير شكله أفضل مع مرور الوقت، وبصراحة انصدمت في الجودة مقابل السعر.
الثبات
مايدوم من الصباح لليل لكن تقريباً تقدرين تحطينه وتكونين واثقة انه يبقى منظره مرتب وجميل لمدة 6 ساعات على الأقل.
السلبيات
ريحته غريبة شوية والعلبه صغيرة يمكن ماتكفيك شهر اذا تستخدمينه بشكل يومي، بس ❤️

تقييمي للمنتج : 9\10
السعر:  23 ريال سعودي

،,

قهوة بالبندق من نسكافيه
 Nescafé, Taster's Choice, Instant Coffee Beverage, Hazelnut
قهوة نسكافية بالبندق ، عليها طلب كبير ودايما تخلص من آي هيرب لكن هالمرة لحقت اطلبها!
تحتوي العلبة على 20 مغلف منفرد.
مكوناتها :
قهوة ، كراميل ، لون الكراميل ، نكهة طبيعية وأصطناعية.
انطباعي و رأيي 
احبها مره، ودايما اسويها بالحليب واضيف لها بودرة كاكاو ويطلع طعمها زي النوتيلا 💕 ، هالقهوة مافيها سكر لازم تضيفون لها عسل أو ستيفيا أو المحلي اللي تفضلونه ويعجبكم :)
السلبيات
 مايعجبني فيها أنها تحتوي على نكهة إصطناعية وكنت اتمنى لو كانت تقتصر فقط على النكهة الطبيعية، لكن هالشي شخصياً مايضايقني لأني ماأشربها بشكل يومي .
السعر:  17 ريال سعودي.

،,

مشترياتي للعناية بالبشرة

كريم مرطب لليدين بالشيا اوت اوف افريكا
Out of Africa, Shea Butter Hand Cream, Olive with Aloe
كريم لليدين بزبدة الشيا و زيت الزيتون و خلاصة الصبار، يرطب بعمق و ينعم البشرة من اول استخدام! و لايترك احساس دهني أو لمعة على البشرة، ريحته جميلة و منعشة هذي ثاني مرة اشتريه، اتكلمت عنه بشكل مفصل أكثر بصفحة تجربتي الرابعة مع اي هيرب ،  طبعاً هالمره أخذت حبتين ومن الحجم الكبير من كثر ماحبيته! ❤️ رائع بكل معنى الكلمة ، انصح الجميع فيه!
السعر:  30 ريال سعودي.

كريم تجاعيد العين والهالات مادهيبي
Mad Hippie Skin Care Products, Eye Cream, 16 Actives
كريم لمنطقة حول العين يحتوي على العديد من العناصر الطبيعية الفعالة للهالات والتجاعيد، منها الرمان والشاي الأبيض، طبيعي بدون رائحة ، المنتج روعه ما أستغني عنه وحسيت أنه حسن بشرتي وصارت افضل من بعده  وانصح فيه، يحسن مظهر للخطوط حول العين والهالات حتى للهالات المستعصية زي اللي عندي يخففها، اتكلمت عنه بالتفصيل وعن تجربتي معاه هنا مشترياتي من اي هيرب

السعر:  76 ريال سعودي.


مقشر للوجه باللافندر بي ناشتورالز
Bee Naturals, Queen Bee Facial Polish
مقشر ناعم ملمع لبشرة الوجه على شكل بودرة، يلمع ويصقل البشرة بلطف، طبيعي بمكوناته ويحتوي على الطين واللافندر، جميل جدا واتكلمت عنه هنا بالتفصيل تجربة تقشيرالبشرة .
طريقة الإستخدام
للاستخدام اليومي يخلط مقدار ملعقة شاي مع منظف الوجه او الكريم و يدلك الوجه بالمزيج، واذا البشرة جافة يستخدم مرتين في الاسبوع .
السعر:  43 ريال سعودي.


قطن دوائر اورغانيك عضوي
قطن عضوي دوائر أورغانيك لايحتوي على مبيضات الكلورين اللي تسبب الحساسية، استخدمه لإزالة مكياج العين والماسكات.
السعر:  11.1 ريال سعودي



جوارب ترطيب القدم بالصبار
Body Benefits, By Body Image, Aloe-Infused Lounge Socks
جوارب قطنية بخلاصة الصبارلترطيب الاقدام، خامتها حلوه وباردة و ناعمة مره! انصح فيها مره حلوه للبيت مع المرطب، مقاسها فري مناسب للجميع.
السعر:  15 ريال سعودي.



كريم الأيدي العاملة
O'Keeffe's, Working Hands Hand Cream
كريم الأيدي العاملة من أوكييف، مخصص للجفاف الشديد وعلاج التشققات والجفاف اللي تحصل لليدين انصدمت من نتيجته مسحة خفيفة تطري وتلين الجلد بشكل خيالي، في نفس الوقت خفيف ومايدبق وغير دهني واحسه يعمل طبقة عازلة مثل القفاز تحمي اليدين من الجفاف حتى بعد غسل اليدين بالصابون تفضل البشرة رطبة! هذا المرطب من المرطبات اللي حبيتها وماأستغنى عنها ولي روتين أو طريقة معينه بإستخدامه، بما أنه يحتوي على شمع البارفين فهو يعمل طبقة تحمي وتعزل البشرة عن الماء والصابون، فأحب استخدمه خلال اليوم خصوصاً قبل شغل البيت وبعده، وطبعاً من فوقه البس القفازات البلاستيك، لكني احسه يعطي حماية إضافية وترطيب خصوصاً بعد الشغل ويحمي البشرة من الغسل المتكرر لأن بصراحه انا أنسانه أغسل يديني أكثر من 200 مرة في اليوم عندي وسواس وجفاف اليدين كان مسبب لي عقدة!
السعر:  24 ريال سعودي


كريم الأقدام الصحية Okeeffe
O'Keeffe's, For Healthy Feet, Foot Cream
نفس الكريم السابق بس للاقدام و نتيجته بنفس المستوى يلين البشرة من اول استخدام :)
السعر:  24.5 ريال سعودي



كريم تشققات الكعبين
Cococare, Repairs and Conditions Dry Cracked Heels
كريم لكعب القدم بزبدة الكاكاو و زيت النعناع من كوكوكير ، الفرق بينه و بين الكريم السابق انه يحتوي على حمض الساليسيليك لتقشير البشرة وازالة التشققات والخشونة من كعب القدم، ويحتوي على زيت النعناع اللي يلطف الاقدام المتعبة، مكتوب عليه يستخدم مرتين في اليوم، ماجربته بإنتظام لكن جربت مرهم بنفس التركيبة و كانت نتيجته حلوه في التقشير و التطرية و بالتالي تجميل منظر القدمين ! أوعدكم اني أكتب ريفيو عنه هنا بعد التجربة بإذن الله.
السعر:  9 ريال سعودي .


كريم الفستق للقدمين ديزيرت ايسنس
Desert Essence, Perfect Pistachio Foot Repair Cream
مرطب للأرجل من ديزيرت ايسنس، قوامه مثل اللوشن، فـ اذا انتي تحبين قوام اللوشن وتفضلينه على الكريم راح بناسبك، سهل المد وتتشربه البشرة و يعطي ترطيب جيد جداً وعميق، ماحسيت انه يدبق لكن حسيته يعطي لمعة وطبقة دهنية خفيفة على الجلد، هالشي ماضايقني لأن الاأقدام من أكثرالمناطق بالجسم تعرضاً للجفاف والعوامل الجوية وتحتاج حماية زي كذا، ريحته جميله فستق على نعناع :)
حبيته مره عجبني للترطيب يعني مو شرط البس الشرايب من بعده عشان احس بمفعول الترطيب لكن أحب اسوي كذا في الليل قبل النوم واصحى الصباح رجولي طرية وناعمه ومترطبه ، انصح فيه.
السعر:  25 ريال سعودي

 لشراء المنتج إضغطي هنا

الصابون الافريقي من نوبيان هيرتيج يعتبر الأفضل مبيعا في آي هيرب وحاصل على تقييمات عالية، طبيعي و ممتاز، كله فوائد للبشرة و مايجفف الجلد، اتكلمت عن الصابون بشكل مفصل أكثر هنا في صفحة صوابين تفتيح البشرة ، هالمرة اشتريت نوعين!

صابونة زبدة الشيا وزيت اللبان والمر، ريحتها روعه زي البخورو العطور الشرقية، دايما اشتري منه للأهل و اهديه للأقارب ويمدحون فيه ❤️!
السعر:  15 ريال سعودي.


الصابونة الافريقية السوداء بالشوفان والصبار وزيدة الشيا هي الصابونة الأفضل في موقع اي هيرب ومعروفه فوائدها للبشرة، منها انها تعالج وتسوي ديتوكس للجلد، ريحتها حلوه واحسها تشبه الكرز نوعا ما :)
جداً ممتازة لحب الشباب فيها حبيبات من الشوفان تقشر وتنظف من قلب احسها تساعد بشكل كبير في ازالة الدهون من المسامات، وفي نفس الوقت ماتجفف لأن فيها شوفان وصبار وفيتامين اي.
السعر:  15 ريال سعودي.

مرطب شفاه Lip Rescue
أنا أحب مرطبات الشفايف ودايما أشتري انواع واجربها، هالنوع روعة عجبني جداً لأن أحس أنه فعلا ينقذ الشفايف من الجفاف والتشققات وينعمها ويطريها من اول استخدام، احساسه مريح جداً ويعطي ترطيب ويخلي الشفايف ندية، بصراحه اعتبره من افضل مرطبات الشفايف بموقع آي هيرب وأنصح فيه!
السعر:  11 ريال سعودي.

اعذروني اني ماحطيت صورة الصابون ومرطب الشفايف، ماحصلت الصور في لابتوبي.
مثل ماقلت لكم ان مشترياتي من اي هيرب هذي طلبتها من فترة ، فممكن بعض المنتجات ماتكون متوفرة الحين.

لمتابعين المدونة لاتستغربون من تغير الرابط في متصفحكم لأنه تم إضافة نطاق جديد للموقع هو www.herb-arabic.com والرابط القديم موجود وراح ينقلكم للموقع الجديد بشكل تلقائي :)
وللمتابعين من خلال الاشتراك البريدي مايحتاج تسون اشتراك جديد راح توصلكم التدوينات عن منتجات اي هيرب بالعربية ومشترياتي أول بأول بدون اي تغيير.
اتمنى انه الموضوع عجبكم ولاتبخلون علي بدعم المدونة ومشاركة الموضوع هذا عشان أعرف انه عجبكم ❤️🌹


EmoticonEmoticon