تجربة الشراء من موقع اي هيرب بعد قيود الجمارك

مرحبا بنات، كثير سألوني عن موضوع تقييد وتحديد الشحنات من موقع اي هيرب في السعودية وطريقة الشراء بعد قيود هيئة الغذاء والدواء على اي هيرب وحابة اشارككم بتجربتي بعد هذا التغيير

تجربة اي هيرب مشترياتي الشتوية لروتين طبيعي

صباح الجمال والسعادة والخيرات 🌺
كيفكم بنات ؟  بمناسبة فصل الشتاء اليوم حابة اشارككم بتجربة مشترياتي من موقع اي هيرب للعناية بالبشرة، وهي منتجات بسيطة لكنها من أفضل المنتجات بموقع اي هيرب برأيي الشخصي المتواضع وماأقدر استغني عنها، مشترياتي هذي اخذتها قبل سنة في الشتاء وصورتها وكل مرة اسوف انزلها لما صارت الدنيا صيف وصار مالها داعي 😂

تجربة شوكولاتة Chocolove من iherb

مرحبا، احب اشارككم بتجربتي من اي هيرب في شراء انواع من شوكولاتة Chovolove الطبيعية الرائعة، ان شاء الله يعجبكم الموضوع البسيط!

نصيحة مني ان لا تشتروا الشكولاتة هذي في وقت الصيف لأنها تسيح، مثل ما صار لي مرة وطلبت انواع الواح كاكاو شوكولوف متنوعة ووصلتني كلها سايحة، بس الحمدلله ان اي هيرب غلفوها لي بكيس لحالها وماخربت باقي الأغراض، فانتبهوا واشتروها فقط وقت فصل الشتاء  في الاشهر اللي يكون فيها الطقس بارد فقط.

وعلى فكرة هذي ثاني مرة اكتب الموضوع هذا، اول مرة قبل شهرين خلصت منه وحفظته بقائمة المسودات بالمدونة ورجعت ثاني يوم عشان انزله حصلته اختفى، ورجعت اعيد كتابته من البدايه اليوم 😭

تجربة اسفنجة الكونجاك ومكياج ايلف وبرونزر وبلش وارواج وفرش ريل تكنيك مشتريات من اي هيرب

مرحبا بالجميلات وصديقات المدونة
تدوينة اليوم كبيرة ويمكن تكون أكبر تجربة شرائية من اي هيرب بالمدونة، لأن فيها 59 منتج! فجهزوا لكم شاي او قهوة وتعالوا تلقون الموضوع جاهز لول!

تجربة اي هيرب اكل وشيبس وغذاء ملكة النحل وشاي اخضر وكبسولات السلمون

تجربة اي هيرب قديمة لي واول مرة ارفعها على المدونة زي ماوعدتكم اني انزل تجاربي عشان تستفيدون منها :)

وكانت هذي المرة السادسة اللي اطلب فيها من موقع iHerb ومشترياتي كانت كريم ديرما اللي اخذته بتوصية من عضوة بموقع البوابة الرقمية، وكريم سيلف تان و وحلاوة حلال وشيبس لذيذ ومكسرات واكل من موقع اي هيرب!

تجربتي من اي هيرب مكياج ايلف باسيفيكا برونزر وكريمات ومرطب للشعر الكيرلي

صباح \ مساء التألق ,، 🌺

حابة اشارككم اليوم مشترياتي من موقع اي هيرب اللي احبه واشتري منه بشكل شهري، وهالمرة الطلبية كبيرة وكلها مكياج وكريمات للبشرة، الموضوع هذا من فترة أحاول اجهزه وكنت متحمسة اني ارفعه للمدونة وكل مرة يجيني ظرف يمنعني أكمله، فماتتصورون مدى سعادتي اني اخيراً قدرت أنزله في المدونة!

يالله ماطول عليكم، المكياج اللي اشتريته متوفر بموقع اي هيرب الامريكي وهو من ماركة ايلف وفيزيشين فورميولا ومن باسيفيكا بيوتي! راح اتكلم عنهم وتجربتي ورأيي فيهم بالتفصيل في الموضوع اللي اتمنى انه يعجبكم ويفيدكم.
ادخلي هذي الصفحة تجربة مكياج ايلف لتجربتي لمكياج ماركة  e.l.f :)

تجربة اي هيرب كوكيز وبينت بتر وكريم زبدة الشيا

مساء/صباح الروقان
هذي تدوينة قديمة لي من السنة الي راحت ماقدرت ارفعها للمدونة في وقتها ، وكانت تجربة اي هيرب الرابعة  لي . انا بدأت التدوين هنا عام 2014  كان هدفي بالاساس اترجم منتجات اي هيرب بالعربي واكتب عن تجربتي مع الموقع بس ماكنت عندي خبرة وكنت استصعب فكرة رفع الصور والكتابة فكنت اتأخر بالمواضيع. يلا ما اطول عليكم خلوني ابدأ بمعلومات الشحن، الشحن كان مره سريع وصلتني الشحنه في اقل من اسبوع،  وقيمة الطلب 300 ريال والشحن 60 ريال بس ، شفتوا كيف حلو الموقع هذا؟ :)

اذا ماتعرفين للموقع او طريقة الطلب وتبغين تطلبين ادخلي الصفحة هذه  طريقة الشراء من اي هيرب .

تجربة اي هيرب شاي اخضر وبسكوت وبنت بتر وكريم زبدة الشيا