تجربتي مع السوبر كولاجين الامريكي ونتائجه السريعة والرائعة على بشرتي

مرحبا بنات، اليوم راح اكلمكم عن تجربتي مع الكولاجين الامريكي الاصلي وهو منتج بودرة السوبر كولاجين من نيوسيل واللي حاز على اعجاب الكثيرين ويعتبر من افضل واقوى انواع الكولاجين لتحسين البشرة حسب تجربتي وتجربة كثير من البنات اللي يمدحون نتائجه السريعة والواضحه للشعر والبشرة والاظافر خصوصا نضارة البشرة وتفتيح بقع الكلف واثار الحبوب، وتكثيف الشعر بسرعه، وهذي البودرة اشتريتها من موقع اي هيرب مع مشتريات سابقة لي واتمنى يعجبكم الريفيو

وجدا سعيدة اني بأشارككم تجربتي مع بودرة كولاجين نيوسيل ومعلومات عنها، ومثل ماعودتكم في كل مرة احب ابحث عن المنتج واقرأ عنه كثيرا وعن شركته واصلها قبل الشراء وما ابخل عليكم ابدا في المعلومات اللي ابحث عنها :)
ملاحظة : ادخلي صفحتي افضل كولاجين امريكي اذا كنتي تبحثين عن المزيد من الانواع الحلال والاصلية من موقع اي هيرب

تجربتي مع السوبر كولاجين نيوسيل

تجربتي مع السوبر كولاجين البودرة من نيوسيل

معلومات عن السوبر كولاجين
هذا المنتج عبارة عن بودرة كولاجين سريعة الامتصاص و مستمدة من الابقار - Bovine ومذكور هذا الشيء في العلبة من ورا، كلنا نحرص على اختيار النوع الحلال ومصدره بقري ولهذا راسلت شركة نيوسيل وسألتهم بايميل ثاني حتى ما اوضح لهم اني عربية ومسلمة وانه يهمني يكون المنتج حلال، فقط سألتهم عن مصدره وقالوا لي انه بقري من ابقار متربية على الاعشاب بدون كيماويات وهرمونات وانه كوشر يعني مذبوح على شريعة اليهود واحنا يحل لنا تناول لحوم المذبوحة بطريقة الكوشر.

 فرحت كثير بعد ما تأكدت ان بودرة السوبر كولاجين حلال، وزادت فرحتي بعد ما عرفت انها مستمدة من ابقار متربية على الاعشاب وبشكل طبيعي بدون هرمونات او كيماويات ومضادات حيوية، لأن هذا الشيئ يساهم بشكل كبير في نتائج الكولاجين ونجاحه وهو من الاشياء اللي تحرص عليها الاجنبيات عند شراء او تجربة منتج الكولاجين.

لذلك بودرة نيوسيل هي افضل انواع الكولاجين وجودتها عالية جداً، والبشرة تستفيد منها كثير واتوقع لذا السبب انشهرت كثير منتجات نيوسيل بفاعليتها ولها اقبال كبير :)

بالنسبة للتركيزه فـ كولاجين نيوسيل البودرة يجينا بتركيز 6600 ملغ في الملعقة وهذا التركيز عالي جداً، ويحتوي على الكولاجين من نوع 1 و 3 ، جسمنها فيه انواع كثيرة  لكن نوع 3 و 1 هي النوعين اللي تتواجد في الجلد بنسبة 90 بالمية، عشان كذا هذا المنتج يحتوي على اهم نوعين من الكولاجين اللي تحتاجه بشرتنا :)

وهذي العلبة تكفيك استخدام شهر كامل.

فوائد بودرة السوبر كولاجين نيوسيل

الكولاجين انواع توجد منه كبسولات وبودرة وعصير والحين انشهرت الحلاوة ايضا وكلها ممتازة اذا كان المصدر موثوق واصلي مثل الانواع اللي من شركة نيوسيل الامريكية.

وهو مفيد كمكمل لأنه يتواجد في بشرتنا وشعرنا بشكل طبيعي، يعني جسمك ينتجه لكن بعد عمر العشرين يبدأ جسمك ينتج نسب اقل منه وتقل كل سنة ، فقدان الكولاجين هذا يسبب جفاف وبهتان الجلد، ويسبب التجاعيد والخطوط خصوصا بعد عمر الخمسة والثلاثين اي طعجة او ثنية في الجلد تصير تترك اثر عميق ودائم في الجلد لأنه قل الكولاجين في انسجته ولذلك فقد مرونته

فأخذ الكولاجين كمكمل مثل البودرة هذي، يعوض عن هذا النقص وممكن حتى انه يزيد مستويات الكولاجين في الجلد بصراحة لحد الحين مافي كلام مؤكد عن هذي النقطة لكن لو اطلعتي على تجارب البنات  بتلقين ان الكثير منهم ذكر فوائدها للجلد وحتى بعضهم يقولون ان بشرتهم صارت تبان اصغر في العمر بعد انتظامهم على تناول الكولاجين كل يوم، وكثيرات لاحظوا انه مفيد جداً في تفتيح البشرة وتوحيد لونها ويخليها متناسقة وانا ايضا لاحظت هذا الشيئ مع الانتظام عليه، واهم شي انه يعتني بنضارة البشرة ويحافظ عليها.

تقول شركة نيوسيل انه اخذ السوبر كولاجين يخلي الجسم يعوض كولاجينه في كل مناطق الجسم مو بس في الوجه، لأنه هذا المكمل يعطيه المواد الضرورية اللي يحتاجها لتعويض الكولاجين وايضا لتحفيز الجسم على انتاج المزيد منه، وبذلك يخفف التجاعيد وشيخوخة البشرة ويكثف الشعر، وايضا يفيد في تحسين صحة المفاصل ويخلصك من الامها

من فوائده ايضا انه يقوي الشعر والاظافر ويخليهم يطولون بشكل اسرع (حسب تجارب البنات لسا راح اتكلم عن تجربتي مع الكولاجين والنتائج اللي لاحظتها بالتفصيل بعد الفقرة التالية)

طريقة استخدام بودرة الكولاجين

طريقة استخدام بودرة الكولاجين لنتائج سريعة

خذي ملعقة كبيرة (المغرفة اللي تجي في علبتها) من هذي البودرة وذوبيها في كوب مع ملعقة من الماء او عصير البرتقال وبعد ذلك زيديها  ماء او عصير حتى يتعبا عندك الكاس واخلطي حتى يذوب، وايضا مكتوب على تعليمات العبوة انه من الافضل خلط المكونات هذي بالخلاط او البلندر حتى تخلط بشكل تام وكامل :)

ولافضل النتائج اشربيها على معدة فارغة قبل الاكل بنص ساعه

واذا حبيتي نتائج اسرع تناوليه مع  كبسولات حمض الهيالورنيك ومع فيتامين سي، هذا الكلام المكتوب على العبوة من نيوسيل

اكيد كلكم تعرفون ان فيتامين سي يسرع امتصاص الكولاجين ولهذا ينصح بشربه مع عصير برتقال اذا ماستعطتي اخذ كبسولات فيتامين سي وهذا الكلام مذكور على العبوة.

 لكن قرأت مؤخراً انه الأفضل اخذه  مع فيتامين سي بدل عصير البرتقال لأن عصير البرتقال به احماض تقلل امتصاص الكولاجين بنسبة 25% حسب بعض الدراسات الجديدة لذلك الافضل انك تاخذين بودرة الكلاجين هذي مع فيتامين سي لأنه يسرع امتصاصها في الجسم ويخليه يعمل بشكل افضل وهذا الشي ينعكس بنتائج مرضية وسريعة .

وافضل نوع من فيتامين سي هو هذا البودرة كثير بنات يمدحونها وانا ايضا جربتها وحبيتها للاسف كنت مخلصة من عندي وقت ماكتبت هذا الموضوع فمالحقت اصورها، بس هذي صورة لها من النت
تجربتي مع فيتامين سي والسوبر كولاجين
وفيتامين سي مفيد كثير للبشرة وتفتيحها ويعتبر من اهم فيتامينات الجمال، وهذا افضل نوع لأنه مركز وبصراحه مالقيت افضل منه في موقع اي هيرب حاليا، ملعقة صغيره منه (متساوية او مسطحه) تعطي أكثر من 4000 ملغ من فيتامين سي
 اضغطي هنا لشراء بودرة فيتامين سي

ولأهمية فيتامين C في امتصاص الكولاجين صاروا يضيفونه مع منتجات الكولاجين مثل حلاوة الكولاجين او كولاجين السمك من كاليفورنيا هذي جداً رائعة  ولي صديقة بالانستقرام تمدحها فراح اجربها قريبا ان شاء الله واعطيكم رأيي فيها


تجربتي مع بودرة الكولاجين الامريكية
Neocell, Super Collagen, Type 1 & 3, 7 oz (198 g)

تجربتي مع السوبر كولاجين البودرة

قبل ما اتكلم عن تجربتي مع كولاجين نيوسيل خلوني اذكر لكم الانواع اللي استخدمتها قبل البودرة بشكل سريع ومختصر

اول شي جربته كان كبسولات كولاجين دكتورز بيست، قبل سنتين او ثلاث ماتذكر بالتحديد، وبصراحة انتظمت عليها فترة طويلة، نتائجها مو سريعة اذا ما خانتني الذاكرة حسيت في النتايج بعد شهرين او ثلاثة وكانت نضارة وتنعيم البشرة، كنت سعيدة بالنتايج بس بعد ما خلصت 3 او 4 علب بديت اطفش من الكبسولات وقلت خليني اجرب البودرة، واخذت من دكتورز بيست نفس الشركة، ومادري اذا نتائجه اسرع لأني استخدمته بدون انقطاع من بعد الكبسولات لكن كنت احس فيها ريحة وطعم قوية وماقدرت استمر عليها اول ما خلصت العلبة وقفت وانقطعت عن الكولاجين فترة

ومرة كنت اسولف مع صديقتي وتكلمنا عن تجاربنا مع الكولاجين ولما قلت لها عن قصتي نصحتني بماركة نيوسيل فقلت خلاص اجربها لأني اثق في كلامها والحمدلله سعيدة جدة اني جربت بودرة نيوسيل لأن مافيها طعم وريحة قوية  واقدر اشربها مع ماء عادي وانتظم عليها بسهولة لما اكون مسوية دايت وماقدر اشرب عصير مثلا.

وأكثر شي حبيته ان نتايجها سريعة حسيت فيها من ثالث اسبوع، صارت بشرتي نضرة أكثر ومترطبة أكثر وهذي التجربة بناءً على استخدام بودرة السوبر كولاجين لفترة خلصت فيها علبة ونص، وحسب تجربتي حسيت ان البودرة افضل من الكبسولات بمراحل لأني اخذها مرة واحدة في اليوم وكانت فكرتها اسهل على من اخذ عدة كبسولات مرتين في اليوم لذلك حبيت سهولة الاستخدام

ايضا حسيت من خلال تجربتي ان نتائج بودرة الكولاجين افضل من الكبسولات واسرع، من ثالث اسبوع بديت احس بنتايج على بشرتي وانها محلوة وفيها نضارة.

هذا المنتج ايضا حلو للشحوب لأنه يرجع حيوية البشرة، ويخليها نضرة ومحلوة ومع الانتظام في استخدام الكولاجين احس هالات تحت العين تخف ايضا وتصير فيها مرونة أكثر لما انتظم عليه.

واروع نتيجة بالنسبة لي هي انه بشرة جسمي صارت انعم ومترطبة أكثر، صحيح اني استخدم لوشن الجسم كل يوم بس مع الكولاجين حسيت فرق واضح، مثلا كانت عندي مناطق جافة في جسمي مع استخدام الكولاجين بانتظام صارت رطبة وطرية أكثر مثل الاكواع والركب وغيرها من المناطق الصعبة، وحسيت بشرتي تحسن ملمسها وشكل ملمهسا اي الـ texture يعني حسيت منظرها انعم وصارت صافية والحمدلله

وايضا من النتايج اللي حسيت فيها ان بشرتي لونها متوحد أكثر وحتى ان طلعت لي اثار اوبقع من حب الشباب تروح بسرعة ومع العناية ترجع بشرتي صافية في اسبوع الحمدلله وايضا البقع اللي تطلع من الحبوب مايكون لونها جدا غامق لا تكون خفيفة وبسرعة تروح

بالنسبة للتجاعيد وكذا بصراحة ماعندي شيخوخة او ترهل في بشرتي، لكن جاتني فترة اهملت يديني وماكنت ارطبها وكذا فصارت بشرة يدني مرة جافة وطلعت لي خطوط كثيرة صغيرة تحديدا في الاصابع واطرافها، ماكانت خطوط عميقة بس كانت مبهذلة شكل يديني، مع العناية والاهتمام والترطيب واستخدام الكولاجين رجعت يديني زي ماكانت الحمدلله، والله يشهد على كلامي، طبعا ما اتكلم عن خطوط المفاصل الطبيعية اللي تجي عميقة لا عن الخطوط الرفيعة اللي طلعت لي من الجفاف وكان اكثرها متركز في اطراف الاصابع، وبعد العناية وبودرة الكولاجين حسيت بفرق وحسيت منظر يديني صار رويان أكثر واجمل والخطوط هذي اختفت الحمدلله ما ادري اذا من البودرة لحالها او انها عامل مساعد لكنه من الاشياء اللي استخدمتها في هذي الفترة واستفدت منهاكثير.


بالنسبة للشعر والاظافر ما لاحظت انها صارت تطول بسرعة او صار نموها اسرع، لكن لاحظت ان شعري صار اقوى والشعرة نفسها صايرة اكثر سماكة من قبل بس هذا الشي ماحسيت فيه الا بعد فترة من الانتظام على الكولاجين، والتساقط الحمدلله ماعندي مشكلة ومايطيح شعري كثير زي زمان ولكني أيضا اخذ ملتي فايتمن معاه بيوتين كل فترة وفترة، لذلك ما ادري اذا النتيجة من الكولاجين لحاله او انه عامل مساعد مع باقي المكملات.


سعر بودرة سوبر كولاجين من نيوسيل واماكن شرائها
سعرها 41 ريال سعودي
وانا اشتريها من موقع اي هيرب لأني اضمن جودته وايضا لأن سعر الشحن جدا مناسب لي ورخيص وانصكم تشترونها منه ايضا
اضغطي هنا لشرائها


باختصار وبرأيي المتواضع اشوف انه الكولاجين مكمل روعة للبشرة ونضارتها وانصح فيه كل بنت تحب تعتني بجمال بشرتها، ولذلك انصحك بتجربة بودرة سوبر كولاجين نيوسيل اذا كان عندك اهتمام في مكملات الكولاجين لأنها ماشاء الله اشهر من نار على علم ومضمونة ومجربه والبودرة اسرع امتصاصا من الكبسولات حسب تجربتي :)

اتمنى عجبكم الريفيو وياليت تشاركونا برأيكم ولاتترددوا بترك تعليق هنا اذا كان عندكم اي سؤال او استفسار عن سوبر كولاجين نيوسيل اتركوا لي تعليق وراح اسعد بمساعدتكم

وهذا حسابي على الانستقرام اذا حبيتي تتابعيني @HerbArabic

15 comments

غير معرف delete 17 يوليو, 2017

الله يعافيك كفيتي و وفيتي وانا من عشاااااق هذي البودرة النتيجة بانت معي من الْيَوْمَ العاشر كان عندي خطوط خفييييفه جدا حول الفم وراحت وكان الامر صادم لي توقعت انها ماتروح الا ببوتكس ،، و الان انا طالبته وببدا الكورس الثاني منها ان شاء الله

شكرا على مشاركتنا بتجربتك، انا كمان احب البودرة هذي وهي من افضل منتجات كولاجين نيوسيل بالنسبة لي :)
موفقه ربي يحقق لك اللي تتمنيه

غير معرف delete 02 أغسطس, 2017

تسلمين الله يرضى عليك .. طمنتيني من ناحية الحلال والله توني طلبت الكبسولات وخفت من الموضوع لكن الله يطمن قلبك يارب
لكن حبيت أسأل .. عادي أستمر طول العمر ع الكولاجين أو ضروري اوقفه بين كورس وكورس ،، ياليت تتكلمين هالموضوع بشوية تفصيل
وموفقه يارب ع الموقع اللي صار مرجع 🌹

اهلا حبيبتي ربي يسعدك اول شي بشكرك على الكومنت الحلو اللي اسعدني وفعلا يعني لي الكثير 🌹
الكولاجين عادي انك تستخدميه على طول ولوتاخذين معاه مكمل مضاد للأكسدة مثل فيتامين C بتستفيدين أكثر، وانا شخصيا من بداية هالسنة ملتزمة بتناوله يومياً ولافوت يوم. راح انزل تدوينة قريبا بإذن الله تشمل النقطة اللي ذكرتيها بتفصيل أكثر واسئلة ثانية عن اهمية الكولاجين وبعض المغالطات او المفاهيم الخاطئة عنه

لازم عمر معين لاستخدامه؟

هل لها اضرار؟ وش يصير لو قطعتها؟

انا من عشاق الكولاجين بس حبيت اسأل فيتامين سي احطه مع البودره واشربه والا كل واحد بكوب

عادي يستخدم في اي عمر بس لو اقل من 18 استشيري الطبيبة لأن الجسم ما اكتمل نموه.

سؤالك حلو ومفيد،
مالها اضرار بس بعض الناس عندهم اساساً حساسية من كولاجين البقر، والبعض اذا اخذ جرعات زايده يحس بألم في المفاصل.
راح اخصص تدونية لهذي الأسئلة لأنها مفيدة وتشغل بال الكثيرات.
بالنسبة للانقطاع بترجع البشرة زي ما كانت او على الاقل تفقد الترطيب اللي حصل من الكولاجين.

اذا مثلا بتشربين كل نوع في كوب عادي اهم شي تشربينها في نفس الوقت او ورا بعض على طول :)

طيب تزيد الوزن ؟

طيب تزيد الوزن ؟

بصراحه م جربته بس طلبت كورس 3شهور بودرة سوبر كولاجين وحبوب فيتامينC تركيز1000
انا بسشرتي ولله الحمد صافيه وبيضا وناعمه جدا وهذا من اهتمامي فيها من يوم اني صغيره الى حد الان
بس المشكله شعري يتساقط واضافري ضعيفه وتتكسر
وانشالله احصل نتيجه افضل مع هااكورس واعمل ريفيو عنه

حبيت مدونتك مفيدة جداً .. استمري

غير معرف delete 07 يناير, 2018

انا صار لي اسبوع استخدمها واتمنى احصل على نتيجة حلوه


EmoticonEmoticon